«ءبىز قازاقستاننىڭ بولاشاعى سانالاتىن جاستاردى قولداۋىمىز كەرەك. جاستار مەن وتباسى ينستيتۋتىن كەشەندى قولداۋ – مەملەكەتتىك ساياساتتىڭ باسىمدىلىعىنا اينالۋى ءتيىس. جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەك. كەلەسى جىلدى جاستار جىلى دەپ جاريالاۋدى ۇسىنامىن»،- دەدى ەلباسى ن.ءا. نازاربايەۆ.

2019 جىلى جاستار جىلى دەپ جاريالاۋ جاڭا الەۋمەتتىك ساياساتىن ىسكە اسىرۋ كومپونەنتتەرىنىڭ ءبىرى بولىپ تابىلادى. ونىڭ ءمانى مەملەكەتتىڭ جەكە تۇلعانى جان-جاقتى دامىتۋ جانە قوعامنىڭ ءال-اۋقاتىن ارتتىرۋ ءۇشىن بارلىق قاجەتتى جاعدايلار جاساۋ بولىپ تابىلادى.

ق ر پرەزيدەنتى قاسىم-جومارت توقايەۆ جاستاردىڭ دامۋ جانە ولاردى قولداۋ ماقساتىندا ءىس-شارالار جۇرگىزۋ جانە باعدارلامالار ازىرلەۋ كەرەك ەكەندىگىنە ەرەكشە كوڭىل ءبولىپ كەلەدى، سەبەبى مەملەكەتتىڭ ءبولاشاعى ءدال وسى جاستار بولىپ تابىلادى. جاستار – كەز كەلگەن مەملەكەتتىڭ ەڭ بەلسەندى بولىگى، قوعامنىڭ قوزعاۋشى كۇشى. سوندىقتان ەل تىرەگى – جاستار ەكەنىن استە ەستەن شىعارماعان ابزال. قازاقستاننىڭ الەمنىڭ ەڭ دامىعان 30 ەلىنىڭ قاتارىنا كىرۋى جولىندا جاستاردىڭ اتقاراتىن ءرولى زور. قازاقستانعا ءبىلىمدى، كرەاتيۆتى، سەنىمدى جاستار – ءوز وتانىن دامىتۋ ءۇشىن قىزمەت ەتۋگە دايىن، بولاشاق كوشباسشىلار قاجەت. الايدا، مۇنداي ۇرپاقتى تاربيەلەۋ ءۇشىن، ەڭ الدىمەن، جان-جاقتى دامۋعا بارلىق جاعداي جاسالۋى ءتيىس. وسىلايشا، وسى باعىتتا ءبىلىم بەرۋ باعدارلامالارى، تۇرعىن ۇيمەن قامتاماسىز ەتۋ، جۇمىسقا ورنالاستىرۋ باعدارلامالارى ىسكە اسىرىلاتىن بولادى. سونداي-اق، جاستاردىڭ باستامالارى مەن يننوۆاسيالىق جوبالارىن قولداۋعا ەرەكشە كوڭىل بولىنەدى.

ءال-فارابي اتىنداعى قازاق ۇلتتىق ۋنيۆەرسيتەتى جاستار جىلى اياسىندا ناقتى ماقساتتار مەن جاڭا جوسپارلار قويدى. ءبىزدىڭ جوو-دا سەگىز ءتۇرلى ستۋدەنتتىك ۇيىمدار وسى جوبا اياسىندا جۇمىس اتقارۋدا. بۇل ۋنيۆەرسيتەتتىڭ اكادەميالىق ساياساتى، وقۋ ۇدەرىسى، دارىندى جاستاردى قولداۋ، ولاردىڭ مادەنيەت، ەكولوگيا، رۋحاني تاربيە سالاسىنداعى عىلىمي جانە ۆولونتەرلىك قىزمەتى. سونىمەن قاتار، بىزدە رەسپۋبليكالىق جانە حالىقارالىق دەڭگەيدەگى شاعىن قۇرىلىمدار جۇزەگە اسىرىلۋدا. ستۋدەنتتەرگە بۇگىنگى تاڭدا مەملەكەت، ۋنيۆەرسيتەت تاراپىنان ۇلكەن قولداۋ كورسەتىلەدى.

مەملەكەت باسشىسى العا قويعان مىندەتتەردى ىسكە اسىرۋ جونىندەگى ءىس-شارالاردى ۇيىمداستىرۋدى تاپسىرا وتىرىپ، قازاقستاننىڭ وسى باعىتتاعى تاجىريبەسى جەتكىلىكتى ەكەنىن سەنىممەن اتاپ ءوتتى. "عالىم-پەداگوگتار وقۋشىلار سىني ويلاۋ، كوممۋنيكاسيا، كوللابوراسيا مەن كرەاتيۆتىلىكتى دامىتۋى ءتيىس دەپ ەسەپتەيدى. ادامي كاپيتالدى ينۆەستيسيالاۋ مەملەكەتتىڭ ەڭ تابىستى سالىمى بولىپ تابىلادى"، - دەيدi ەلباسى بiر ءسوزiندە. سوندىقتان، جاستارعا بiلiم بەرەتiن وقىتۋشىلار دا جاستارعا قولداۋ كورسەتۋ جولىندا جالىندى ەڭبەك ەتەدى.

فيلوسوفيا جانە ساياساتتانۋ فاكۋلتەتى،
جالپى جانە قولدانبالى
پسيحولوگيا كافەدراسىنىڭ
پروفەسسورى ن.س. جۇبانازاروۆا